كشف الرئيس عبدالفتاح السيسي، تفاصيل وأسرار إصدار بيان يوم 3 يوليو 2013 عقب ثورة 30 يونيو.
وقال السيسي خلال كلمته في الاحتفال بالذكرى الـ74 لعيد الشرطة، إنه منذ كان وزيرا للدفاع لم يقم بإجراء استهدف دماء أي شخص، قائلا، “من أول ما كنت وزير حتى الآن ما علمتش أي جراء بفضل الله سبحانه وتعالي .. استهدف بيه دماء أحد والله يشهد على ذلك”.
وأضاف الرئيس السيسي:”هما اللى بدأوا .. شوفوا البيانات بيان 3 يوليو كان معمول إزاي.. كله لطف ومحاولة للتوافق والإصلاح وأننا ندي فرصة دورة جديدة .. دورة جديدة لانتخابات الشعب .. لما نختلف خلوا الشعب يقول .. انتخابات تاني .. ده تقريبا اللى اتقال في 3 يوليو.. هل قبل 3 يوليو تم القبض على حد .. لا والله”.
وتابع الرئيس، “في سيناء هما بدأوا .. في القاهرة والجمهورية هما بدأو .. اللى ضرب النار واللى ولع .. والله ويشهد .. كنا هنعمل انتخابات .. وينزل فيها الله يرحمه الرئيس مرسي .. ولو عاوزين تاني .. وربنا يكفيكم شر عمي البصيرة”.